პირველი სასწავლო დღე სხვადასხვა ქვეყანაში სხვადასხვა დროს და სხვადასხვანაირად იწყება. მაგ: ისეთ ქვეყნებში, როგორიცაა დიდი ბრიტანეთი, ნორვეგია, ფინლანდია და საფრანგეთი მხოლოდ გამოსაშვებ საღამოებს ზეიმობენ, პირველი სასწავლო დღე კი ყოველგვარი აღნიშვნის გარეშე გადის. მართალია, ევროპის ზოგ ქვეყანაში ის სექტემბერშია, მაგრამ დასაწყისში თუ მერე, ამას ბევრი სკოლა თავად წყვეტს. მაგალითად, იტალიის რამდენიმე რეგიონში სწავლის დაწყების ათვლის წერტილი სხვადასხვაა. მეტიც, მილანში მცხოვრები მოსწავლეების არდადეგები უფრო ხანმოკლეა, ვიდრე რომაელი მოსწავლეებისა. სულ სხვა წესები ბატონობს სამყაროს მეორე მხარეს – ავსტრალიაში, ახალ ზელანდიასა და ლათინურ ამერიკაში სასწავლო წელი ზამთარის ბოლოს იწყება. აზიელი მოსწავლეები სკოლისაკენ სექტემბერში მიეშურებიან, მაგრამ კორეაში, ინდოეთსა და ტაილანდში ის სტარტს გაზაფხულზე იღებს. რა ხდება სხვა ქვეყნებში?
გერმანიის სხვადასხვა რეგიონში ზაფხულის არდადეგებისა და სასწავლო წლის დაწყების თარიღი განსხვავდება. არდადეგები დაახლოებით 6 კვირა გრძელდება. სწავლება როგორც ივლისის ბოლოს, ისე სექტემბერში შეიძლება დაიწყოს. ტრადიციულად გერმანელი ბავშვები სასწავლო წლის პირველ დღეს ე.წ. შულტუტეს იღებენ. ეს არის სხვადასხვა ფერის უზარმაზარი კონუსი, რომელიც კანფეტებით, ტკბილეულით, საკანცელარიო ნივთებითა და პატარა სათამაშოებით არის გავსებული. ამ ტრადიციას მე-19 საუკუნეში ცაეყარა საფუძველი რომ ბავშვები სიხარულით წასულიყვნენ სკოლაში. გარდა ამისა, ბევრ სკოლაში სწავლის დაწყების წინ საეკლესიო მსახურება სრულდება. ბავშვების გარდა მას მშობლები, ნათესავები და ნათლიები ესწრებიან. სადღესასწაულო ცერემონიაზე ბავშვებს ხანგრძლივ სასწავლო გზას ულოცავენ. ამ ღონისძიების შემდეგ პირველკალსელებისთვის ექსკურსია ტარდება, რომელზეც ისინი სკოლას ეცნობიან. მეცადინეობებს ისინი მეორე დღეს უდგებიან.
ე. წ. შულტუტე
გერმანიის სხვადასხვა რეგიონში ზაფხულის არდადეგებისა და სასწავლო წლის დაწყების თარიღი განსხვავდება. არდადეგები დაახლოებით 6 კვირა გრძელდება. სწავლება როგორც ივლისის ბოლოს, ისე სექტემბერში შეიძლება დაიწყოს. ტრადიციულად გერმანელი ბავშვები სასწავლო წლის პირველ დღეს ე.წ. შულტუტეს იღებენ. ეს არის სხვადასხვა ფერის უზარმაზარი კონუსი, რომელიც კანფეტებით, ტკბილეულით, საკანცელარიო ნივთებითა და პატარა სათამაშოებით არის გავსებული. ამ ტრადიციას მე-19 საუკუნეში ცაეყარა საფუძველი რომ ბავშვები სიხარულით წასულიყვნენ სკოლაში. გარდა ამისა, ბევრ სკოლაში სწავლის დაწყების წინ საეკლესიო მსახურება სრულდება. ბავშვების გარდა მას მშობლები, ნათესავები და ნათლიები ესწრებიან. სადღესასწაულო ცერემონიაზე ბავშვებს ხანგრძლივ სასწავლო გზას ულოცავენ. ამ ღონისძიების შემდეგ პირველკალსელებისთვის ექსკურსია ტარდება, რომელზეც ისინი სკოლას ეცნობიან. მეცადინეობებს ისინი მეორე დღეს უდგებიან.
ე. წ. შულტუტე
ბულგარეთში სასწავლო წელი 15 სექტემბერს იწყება და მაისში ან ივნისში სრულდება. ბავშვები სკოლაში 7 წლის ასაკში მიდიან (მშობლების თხოვნით მათ 6 წლის ასაკშიც იღებენ).
დღესასწაული სკოლის დროშის აწევითა და ზარის დარეკვით იწყება. ხანდახან ცნობილი ადამიანები მოკლე სიტყვას ან ლოცვას წარმოთქვამენ. სიმღერისა და ცეკვის ტრადიციული ნაწილის შემდეგ ცაში მტრედებს ან ბუშტებს უშვებენ. დღესასწაული სკოლის შენობაში გრძელდება, სადაც ბავშვებს ტკბილეულით უმასპინძლდებიან.
იაპონიაში სასწავლო წელი 1 აპრილს იწყება, როცა გაზაფხული დგება და ბუნება იღვიძებს. ბავშვები სკოლაში განახლების გრძნობით მიდიან და საკურას ყვავილობით ტკბებიან.
პირველი დღე სასწავლო დაწესებულებაში იაპონელებისთვის დღესასწაულს წარმოადგენს. ოჯახები და მეგობრები ულოცავენ სკოლის მოსწავლეებს და მათ საჩუქრებს ჩუქნიან. მშობლები და მოსწავლეები აუცილებლად იცვამენ სადღესასწაულო ტანსაცმელს, იღებენ ფოტოებს სკოლის შესასვლელთან (ყველაზე ხშირად საკურას ქვეშ), რის შემდეგაც სადღესასწაულო ცერემონიაზე – ნიუგაკუშიკიზე მიემართებიან.
ღონისძიებების რიცხვში შედის ახალი მოსწავლეების მსვლელობა უფროსი მოსწავლეების აპლოდისმენტების ფონზე. ამის შემდეგ მე-5 ან მე-6 კლასის მოსწავლეები ახალმოსული ბავშვებისთვის სკოლაში ექსკურსიას ატარებენ, რომელიც მისასალმებელი წარწერებითა და საკურას ყვავილებით არის მორთული.
ისრაელში დიდი ყურადღება იმას ეთმობა, რომ ბავშვმა თავი სკოლის დიდი გუნდის წევრად იგრძნოს. პირველი სასწავლო დღისადმი მიძღვნილი ღონისძიება სწორედ ამ მიზანს ემსახურება.
ბავშვები სკოლაში 1 სექტემბერს მიდიან. მათ ცეკვითა და ორმაგ დოლზე – ბონგოზე დაკვრით ხვდებიან. ამის შემდეგ მათ რაბინი ლოცავს, ისინი მღერიან და ერთმანეთს ეხუტებიან.
ასევე, ისრაელში არის საინტერესო ტრადიცია, რომელიც სწავლის დასაწყისს უკავშირდება. ცოტაოდენ თაფლს დაფას ან ქაღალდს უსვამენ, რომელზეც ებრაული ანბანი წერია. ბავშვები ლოკავენ მას, რაც იმის სიმბოლოა თუ რამდენად ტკბილია თორას სწავლა.
რეგიონისა და ამინდის პირობების მიხედვით ინდოეთში სწავლა აპრილიდან მარტამდე ან ივნისიდან მაისამდე გრძლედება. პირველკლასელებისთვის სასწავლო წლის დაწყება ნამდვილი დღესასწაულია. ისინი, ახალ და ლამაზ ტანსაცმელში გამოწყობილები, ფერად ცერემონიაზე მიემართებიან.
მასალა მომზადებულია სხვადასხვა საიტებიდან:
Комментариев нет:
Отправить комментарий